Shkruan, Skenderbeg Klaiqi
Të dashur qeveritar, të dashur opozitar, të dashur qytetar, të dashur shqiptar!
Ju nga Shqipëria, Kosova, Ilirida (Maqedonia e Veriut), Malësia (Mali i Zi), Kosovë Lindore nën okupimin Serb etj.
Ku mbetën shqiptarët, ku mbeti komuniteti i Mërgatës shqiptare?
Cilin vend po i jepni atyre në këtë hapësirë të globit të trazuar?
I nxitur nga zhvillimet që po ndodhin në Atdhe, dua ta ngris një temë që shpesh e has njeriu në media, e rrallë veprime dhe trajtim të mençura shtetëror, konkrete për komunitete tjera e sidomos komunitetin e Mërgatës, e cila është lënë pas dore, shpesh duke u anashkaluar dhe nënçmuar.
Derisa në mes të Republikën e Kosovës dhe të Serbisë bisedohet për komunitetin serb i cili jeton në Kosovë dhe nuk arrin numrin as edhe 2 % të atyre që jetojnë aty, komunitetet tjera harrohen dhe nuk i jepet asnjë rëndësi edhe pse në numër ja kalon edhe atyre vet që jetojnë në Atdhe.
Nuk ka parti politike nga Kosova, e tani edhe nga vendet tjera të Atdheut që nuk i kan aktivistët dhe militantët e tyre në vendet euro- perëndimore, por edhe ato lindore si që është Turqia, por kur vjen fjala, për ndihmesë mërgatës, mërgata është lënë nën mëshirën e fatit.
Komuniteti serb, i cili po lejohet të organizohet, e të vetmenaxhohet si komunitet, madje edhe territorialisht, sa i ka kushtuar Republikës së Kosovës qe 24 vite liri, çka po i sjell asaj, përpos kanosje për shfarosje të mëtejme të popullit shqiptar dhe popujve tjerë.
Ndërsa kjo Mërgatë e cila, është lënë të asimilohet, të tjetërsohet, e të maltretohet nëpër kufij dhe aeroporte, nuk mendon askush, që kjo mërgatë do ti nevojitej vendit shumë, por edhe kjo mërgatë po lufton me asimilimin, tjetërsimin dhe shkëputjen e lidhjes me Atdheun edhe pse edhe më tej është burim i 95 % të ardhurave në Atdhe.
Edhe ato nisma dhe iniciativa vetanake që shpesh i sheh në Mërgatë, jo që has në veshin e shurdhër, por edhe pengohen bile edhe ngulfatën dhe luftohen edhe ata aktivistë që fillojnë diçka të tillë, prandaj në kohën e fundit aktivistët që din se si të organizohet, mobilizohet Mërgata, edhe po frikohen që të ndërmarrin diçka që i kushton buxhetit të tyre personal, duke harruar sfidën shpesh herë të etiketimeve dhe humbjes së imazhit të tyre personale.
Dikush mundë të thotë, e po ju vet po përçaheni, ose vet nuk po mundë të bëheni bashkë.
Por ju them me fakte, se organizimi i mërgatës duhet bërë me ndihmën e qeverive të Atdheut, me projekte që veç se Lobi Euro-Atlantik Shqiptar i ka filluar, por pikërisht kjo nismë e mobilizimit, organizimit dhe faktorizimit nën moton e bashkimit shpirtërorë shqiptar, nëpërmjet të Lobit shqiptar nuk u përkrah, as nga partitë politike, por as nga qeveritarët.
Mërgata dhe mërgimtarët, e duan vendin e vet të merituar në Atdhe, duke e përfshi edhe në Parlamente të Atdheut.
Mërgata dëshiron mobilizim dhe të pranohet si komunitet i faktorizuar.
Mundësia ekziston dhe nëse politikanët e Atdheut e duan këtë dhe nuk din se si të bëhet, ne dim dhe duam ta bëjmë këtë, me projekte konkrete, natyrisht nëse vullneti ekziston.
Pse duhet kjo?
Pikërisht që ky komunitet, ta ndihmoj Atdheun edhe më tej, por edhe ta ruaj hallkën zingjirore me vendin e rrënjës, që ti rezistoj sa më gjatë asimilimit dhe pse jo dikur të mendojnë edhe të kthehen duke kontribuar për vendin e tyre.
Me këtë shkrim nuk desha të them diçka të re që opinioni nuk e ka dëgjuar edhe më par nga unë, por dua ti përkujtoj edhe një herë qeveritarëve dhe atyre që duan të përgatiten për të konkurruar herdokur nëpër parti, që të mendojnë për faktorizimin e mërgimtarëve pa hile, sepse deshët ju apo jo, janë faktor kyq në shoqërinë e botës shqiptare.
Skenderbeg Klaiqi
29.03.2023
Discussion about this post