Ditë më parë realizuam një takim zyrtar me presidentin e Lobit Shqiptrarë (Euro-Atlantik) ,z.Skenderbeg Klaiqi,i cili kishte ardhur nga Gjermania enkas për shkollën tonë.Për shkak të obligimeve të shumta të tij ,ky takim u realizua në Prishtinë.
Me këtë rast u realizua pranim dorëzimi i donacionit financiarë me vlerë prej 1100 (njëmijë e njëqind) frangave Zvicrane të mledhura nga Bajram Mulaj, Skenderbeg Klaiqi, dhe Shkëlzen Mulaj .
Skenderbeg Klaiqi gjatë takimit me neve ndër të tjera tha : kësaj radhe në kuadër të përkrajeve tona humanitare kemi vendosur që të ndihmojmë IP SHF “Dacaj” në fshatin Dacaj të Malësisë së Rozhajës duke potencuar se kjo përkrahje tani e tutje do të jetë e përherëshme sepse Organizata e jonë, Lobi Shqiptar, nuk njeh kufinj dhe se mërgata shqiptare në kuadër të kësaj Platforme humanitare si strukturë mbarëkombëtare do të jetë pranë jush duke shërbyer me nderë, transparencë e krenari gjeneratat e reja nëpër të gjitha shkollat të cilat kanë nevojë duke veçuar ato të cilat gjenden jashtë trojeve shqiptare siç është shkolla e juaj, e cila vitin e kaluar pësoi keq nga dora e keqe duke u djegur …
Drejtori i shkollës, Z.Haxhi Lajçi,falënderoi përzemërsisht Z.Skenderbeg Klaiqin, Bajram dhe Shkelzen Mulaj për kontributin dhe shpirtin e madh të humanizmit që nuk hezituan të ndajnë kafshaten e gojës me neve, kjo gjë tregon se vetëm njerëzit me zemër të madhe e ndjenjë dashurie, ju dëshirojnë të mirën e lumturinë atyre që kanë nevojë ashtu siç i dëshirojnë vetvetës …
“Neve këtu, me anë të kësaj përkrahje të madhe, na jepni kurajo e krah për të vazhduar punën tonë si mësimdhënës dhe edukues të gjeneratave ,por ne ju japim fjalën e besën se do të vazhdojmë për të ruajtur gjuhën dhe kulturen tonë si shqiptar ,lus Zotin të Ju shpërblejë me të gjitha të mirat e botës duke llogaritur këtë përkrahje jo vetëm si ndihmë financiare por edhe si miqësi e përjetshme e madhe sa e gjithë bota.
Nga sot ndjehemi shumë krenar dhe jemi të privilegjuar se Lobi Shqiptarë do të jetë përkrah shkollës sonë ,e cila shkollë si Institucion i vetëm edukativo-arsimor shqip në komunën e Rozhajës do të vazhdojë me krenari ruajtjen e vlerave kombëtare” .
Në fund të takimit palët ,tani e tutje miqë me njëri tjetrin, nënshkruan Vertetimin e pranim dorëzimit të mjetëve financiare. Qershor/ lobipress.
Discussion about this post