Një ngjarje e kulturës shqiptare, u realizua në Manheim të Gjermanisë, nga shoqata kulturore Dardania e.V.e këtij qyteti.
Ky event ishte i mirëpritur nga mërgimtarët e shumtë të cilët udhëtuan nga larg, që të jen pjesë e saj.
Kjo mbrëmje ishte e pasur me promovimin e tri librave shumë interesante të autorëve shqiptar, dy mërgimtar dhe njeri profesor i njohur nga hapësirat shqiptare, z. Nysret Pllana nga Kosova, ndërsa nga Mërgata, Driton Gashi dhe veprimtari, e ish i burgosuri politik z. Tefik Ramadani – Qarri, me librin e tij “ Në gojën e Gjarprit”, ku bëhet fjalë për biografinë dhe ngjarjet e tmerrshme që kishte përjetuar autori, gjatë kohës kur ishte në burgjet famëkeqe të ish Jugosllavisë. Zotëri Tefik Ramadani së bashku me zonjën e tij Hatixh Ramadanin, njihen edhe në Mërgatë si veprimtar për çështje kombëtare, posaçërisht në ruajtjen e gjuhës, kulturës dhe traditës shqiptare.
U lexuan pjesë nga libri ku të pranishmit e pritën shumë me interesim.
Libri tjetër i cili u prit me padurim ishte një doracak i vogël nga autorët Prof. Dr. Nysret Pllana dhe MSc. Agim Aliçkaj me titullin “ Mos Harro Kurrë” në gjuhën shqipe dhe gjermane, e që përfshin dhunën dhe masakrat që ka bërë Serbia dhe serbët gjatë viteve mbi shqiptarë.
Profesori Pllana njihet ndër shqiptar si një njeri i rezistencës kombëtare dhe njeriu më sensibilizues shqiptar, për terrorin e ushtruar ndaj shqiptarëve të pafajshëm.
Libri i tretë dhe shumë interesant i shkruar nga z. Driton Gashi me titull “ Mit Doppeladler im Ruhrpott” shqip, Me shqiponjën dy krenare në zonën e Ruhrit.
Ky libër i shkruar nga një mërgimtar i cili në Gjermani erdhi si një djalosh ri në Gjermani.
Autori me një mjeshtëri të mirë e përshkruan, jetën gjatë kohës së tij në Kosovë, ardhjen dhe zhvillimin e jetës larg atdheut, por edhe integrimin dhe rrugëtimin drejtë të ardhmes së tij. Gjatë librit gjen momente interesante, relaksuese dhe nganjëherë me një humor të mirë, e që gati çdo lexues që ka përjetuar të njëjtën rrugë e gjenë
vetveten e tij në këtë libër.
Libri është një shpjegues i mirë i ngjarjeve të periudhës kohore të jetës së shkrimtarit, dhe një lobim interesant për çështjet e ngritjes së imazhit kombëtar
Shkrimtari është edhe një muzikant i talentuar ku para të pranishmëve pruni një interpretim shumë të mirë të një kënge me vargjet e Dritoro Agollit.
Mbrëmja mbaroj me foto të përbashkët dhe me shpërndarje të librave të nënshkruara nga autorët.
Skenderbeg Klaiqi
22.10.2022
Discussion about this post