Një artikull shumë interesant i shkruar nga Skenderbeg Klaiqi, i cili u shpërnda shumë. Flet për Ballkanin e Hapur, historikun dhe burimin e saj.
Në vazhdim artikulli i plotë:
Sa e çuditshme kur i dëgjon njeriu disa analistë, gazetar dhe politikaj kur thon, e zbuloj Lavrovi se Ballkani i hapur qënka projekt i Rusisë!
Si nuk kuptohet se edhe Serbia është projekt i Rusisë dhe vazhdon deri më tani?
Serbia vazhdon të jet edhe më tej një satelit i Rusisë, në mes të Eropes.
Si nuk kuptohet se Iliria nuk u shndërrua në Ballkan vetvetiu, por nga fuqit botërore të cilat herë me luftë e herë me politikë e ndanë e copëtuan, i dhanë emër tjetër dhe e përvetësuan, duke humbur gjurmët Iliro-shqiptare gati krejtësisht.
Sa naivitet të thuhet, ah kjo qënka politikë Ruse, Serbe, Turke etj. kur dihet se Rusia, e ka krijuar Serbin, mandej e ka sllavizuar dhe asimiluar edhe popullin autokton ilir në trojet Iliro-Pellazge, duke i futur në përçarje popujt e krijuar artificialisht, të luftojnë ndërmjet veti.
Dihet se këta popuj në përqindje të madhe kan prejardhjen Iliro – Pellazge, ku me kohë për shkak të divergjencave religjioze dhe gjuhësore kan pësuar ndryshime sa që kan humbur edhe identitetin e tyre.
Ju që hamendeni se këto nisma antikombëtare, qënkan nisma Ruse, duhet ta dini se edhe mbretëria Slloveno-Kroate-Serbe ishte tentim i nje Sllavie Jugore, mandej Sllavia jugore Komuniste, nën emrin Jugosllavi, Mini-Schengen, e tani edhe Ballkani i Hapur nuk është gjë tjetër.
Tendenca kishte edhe më heret të lloj lloj Ballkanie, kantonizime të trojeve, ndarje etnike, mandej edhe shkëmbime e korrigjime të territoreve, ndërrime të popullatave etj.
Shkurt, ajo që nuk realizohet me luftë, tentohet që nëpërmjet bisedimeve paqësore, si i quajn ata, ti bëjnë nisma, të Ballkanit, nisma vëllazërim bashkimit dhe marifeteve të ndryshme si që din Rusia, Serbia.
Si për çudi, çdo herë gjenden shqiptarë dhe ndërkombëtar naiv, që përkrahin këso nismash, deri sa ta kuptojnë kush është Rusia. Këta politikaj naiv përkrahin këso lloj nismash, sepse nuk arrijnë ta kuptojnë se Rusia dhe aleatët e saj, aq e kan propagandën dhe gënjeshtrat në gjak, sa që e mashtrojnë edhe melekun.
Gjeografikisht Iliria gjendet në mesin e rrymave të fuqive dhe superfuqive botërore, prandaj populli dhe territoret tona, janë tkurrur, deri në atë masë që rrezikohet edhe ekzistenca e popullit shqiptar.
Kujdes:
Shumë është e rëndësishme, të radhitemi aty ku duhet tani, sepse prapë gjendemi në një udhëkryq kohërash, mos ta marrim drejtimin e lindjes dhe ideologjive që nuk na përshtaten, sikurse pas luftës së dytë Botërore, por të ecim tutje kah perëndimi, sepse perëndimi ka vlera dhe gjithmonë ka dhënë vlera të mirëfillta, së paku ne shqiptarët që i kemi provuar lindjen, ideologjitë dhe jo vlerat e saja e dimi mirë.
Ne shqiptarët e Kosovës, Maqedonisë, Malit të Zi e dimi mirë kush ishte Sllavia e jugut. Republika e Shqipërisë duhet të na pyes ne dhe të na besoj se nuk i përshtatet shqiptarit.
Nuk duhet të jemi më armiq të vetvetes sonë!
Freiburg më,
07.06.2022
Discussion about this post