Nëpërmjet një deklarate në Facebook, Presidenti i Lobit Shqiptar (Euro-Atlantik), Skenderbeg Klaiqi, iu ka bërë thirrje shqiptarëve në Gjermani të dalin masivisht në votime, meqë zgjedhjet do të mbahen sot.
Ai ka thënë se me votën tuaj, do ta ndihmoni para se gjithash atdheun tuaj.
Postimi plotë:
Gjermania sot do të zgjedh:
Bundestagu i 20 -të gjerman zgjidhet sot me 26 shtator.
Duhet të jetë një garë e ngushtë dhe emocionuese: Partitë e mëdha rrallë kanë qenë aq pranë njëra -tjetrës, dhe ka pasur një vrapim të vërtetë përpjetë e tatëpjetë në sondazhe. Përveç kësaj, Angela Merkel nuk do të kandidojë më – pas 16 vitesh në Kancelari.
Të dashur bashkëkombës, të dashur pjesëtar të komunitetit shqiptar, ju që jetoni në Gjermani dhe ju që keni të drejtë vote në këtë shtet miqësorë dhe mikpritës të shqiptarëve.
Apelojmë që të dilni dhe të votoni, dilni dhe votoni për ata që mendoni që shtetin ku ju jetoni, e zhvillojnë edhe më tej, votoni për ata që janë më të mirët për shtetin e juaj ku jetoni, por kur ta vëni votën, prapëseprapë mendoni edhe vendin e juaj të origjinës kah ju vini dhe kah vinë prindërit, apo gjyshërit e juaj.
Me votën e juaj, mundë ta ndihmoni edhe Atdheun e juaj, apo Atdheun e prindërve të juaj si gjeneratë gati e katërt në Gjermani.
Ju preferoj të jeni pro aktiv dhe para se ta jepni votën e juaj, të analizoni kandidatin, partin, e cila ishte dhe do të jetë më miqësorë me shqiptarët edhe pse deri më tani, populli gjerman në përgjithësi ishte dhe është miku më besnik i shqiptarëve në Evropë, megjithatë ka dallime të vogla. Ju votoni apo e zgjidhni atë i cili mbron interesat e dy popujve dhe të njerizimit në përgjithësi.
Mos harroni se Gjermania hyn në radhën e demokracisë më të lartë në botë, prandaj të jeni të kujdesshëm ti keni dokumentet personale me vete dhe ju informoj se, duhet të keni parasysh se edhe nj selfie që e bëni në venin e votimit mund të zhvlerësojë zërin tuaj.
Rregullat janë shumë strikte, lexoni ato!
Skenderbeg Klaiqi
Freiburg 26.09.2021
Discussion about this post